ەلباسى نۇرسۇلتان نازارباەۆتىڭ «تاۋەلسىزدىك ءداۋىرى» اتتى كىتابىنىڭ تۇساۋكەسەرى قوستاناي پوليتەحنيكالىق جوعارى كوللەدجىنىڭ باستاماسىمەن ءوتتى. وعان قوعامدىق پىكىر كوشباسشىلارى, وبلىستىق ءماسليحات دەپۋتاتتارى, كوللەدجدەر ستۋدەنتتەرى قاتىستى. تۇساۋكەسەر شاراسىندا وبلىستىق ءماسليحات حاتشىسى سايلاۋبەك ەسجانوۆ جاس مەملەكەتتىڭ دامۋ ساتىلارىن ەلباسى تاريحي-پۋبليتسيستيكالىق جانردا بايانداپ بەرگەنىن ايتتى.
مۇنان كەيىن ءتورت تاراۋدان تۇراتىن كىتاپ جونىندە ءبىلىم بەرۋ سالاسىنىڭ ارداگەرى, بەلگىلى ۇستاز سۆەتلانا ماچنەۆا, قوستاناي مەملەكەتتىك پەداگوگيكالىق ينستيتۋتىنىڭ رەكتورى, تاريح عىلىمدارىنىڭ دوكتورى, پوفەسسور ەركان ءابىل, چەليابى مەملەكەتتىك ۋنيۆەرسيتەتى قوستاناي فيليالى ديرەكتورىنىڭ عىلىمي جۇمىستار بويىنشا ورىنباسارى, قازاقستان حالىقتارى اسسامبلەياسىنىڭ جانە قازاقستان رەسپۋبليكاسى پرەزميدەنتىنىڭ جانىنداعى ادام قۇقىعى كوميسسياسىنىڭ ساراپشىلار كەڭەسىنىڭ مۇشەسى ءالىمجان بەكماعامبەتوۆ ايتىپ بەردى.
«ەلباسى نۇرسۇلتان نازارباەۆتىڭ تاريحي-پۋبليتسيستيكالىق جانردا جازعان بۇل كىتابىنىڭ قۇندىلىعى تاۋەلسىزدىك تۇعىرىن قالىپتاستىرۋ تاريحىن كەشەندى تۇردە الىپ قاراستىرادى. ەلدىڭ تاۋەلسىزدىك جىلدارى ساياسي, ەكونوميكالىق الەۋمەتتىك جۇيەسىنىڭ وزگەرۋىن جيناقتاپ, كەشەندى تۇردە زەرتتەگەن مۇنداي كىتاپ قازاقستاندا ءالى جوق. وسى 26 جىلدا تاۋەلسىزدىك تۋرالى جازىلعان كىتاپتاردى اۆتورلاردىڭ ارقايسىسى ءوزىنىڭ زەرتتەگەن ساياسي نەمەسە ەكونوميالىق, الەۋمەتتىك تۇروعىدان جەكەلەي الىپ عانا جازدى. ال مىنانداي جيناقتاپ, ءبىر تۇتاس ايتىپ بەرگەن ەشكىم جوق» دەدى ەركىن ءابىل.
تۇساۋكەسەرگە وبلىستاعى كوللەدجدەردەن 500 دەن اسا ستۋدەنتتەر قاتىستى.
«بۇل كىتاپ وقۋ ۇدەرىسىندە پايدالانۋى ءتيىس. ول بارلىق ءبىلىم بەرۋ دەڭگەيىندە, ياعني مەكتەپتەردە, تەحنيكالىق جانە كاسىبي ءبىلىم بەرۋ , جوعارۋ وقۋ ورىندارىندا وقىتىلۋى جاعىن ويلاستىرامىز. بۇگىنگى وقۋشى, ستۋدەنت ەلىمىزدىڭ ەرتەڭگى مامندارى, كوشباسشىلارى دەپ بىلسەك, بۇگىنگى جاستار بۇل كىتاپتان وزدەرىن تولعاندىرعان سۇرواقتاردىڭ بارلىعىنا جاۋاپ تابادى دەپ ويلايمىن» دەدى قوستاناي جوعارى پوليتەحنيكالىق كوللەدجىنىڭ ديرەكتورى, وبىلستىق ءماسليحاتتىڭ دەپۋتاتى الما دوسجانوۆا.
ءنازيرا جارىمبەت,
«ەگەمەن قازاقستان»
قوستاناي